Терек-Суу айылынын ооруканасында көп жылдан бери жылуу суу маселеси чечилбей келет. Ал тургай муздак суу да кээ бир учурларда чыкпай калат. Бул учурда оорукананын тазалык кызматкери кыйналат.
Оорукананын санитардык кызматкери Гүлбаркан Арыкбаева сууну алыстан ташып келээрин айтты:
«Бул ооруканада шарттар жакшы эле, бирок жетишпеген жактары көбүрөөк, себеби, бизде жылуу суу чыкпайт. Сууну жолдун боюндагы крандан алып келебиз. Бизден башка бөлүмдөр дагы ташып келишет . Биз сууну өзүбүз ысытып колдонобуз, бизге кыйынчылык туудурат. Кээ бир учурларда суу жок болуп калганда сууну кайсы жактан алып келээрибизди билбейбиз».
Ооруканада дарыланып жаткан Жумакан Жумагулова башка айылдан келген оорулуу адамдар жылуу суудан кыйналышарын айтты:
» Бизде жылуу суу жоктугуна байланыштуу биз жылуу суудан абдан кыйналабыз. Бир эле биз эмес бул жакта балалууларга да кыйынчылыктар болот . Башка айылдан келген оорулуулар да бизге келишет, аларга да кыйынчылыктар туудурат».
Оорукананын мед айымы Мүсүралиева Гулсайра кээ бир учурларда сууну өзү алып келип, куралдарын тазалоого мажбур болоорун айтты.
Даярдаган: Нурпери Ратбек кызы Айгерим Жылдызбекова
Сынак үчүн