Токтогул районундагы Терек- Суу айылынын тургуну Асылбек Бегалиев көп жылдан бери устачылык менен алектенип келет. Уста үй эмеректерин буйрутма менен жасайт.
Устачылык менен алектенген Асылбек Бегалиев балалык кезинен устачылыкка кызыккандыгын айтат:
« Устачылык кесипти аркалап жүргөнүмө 15 жылдан ашып калды. Бала кезден жыгачка кызыкчым, стол жасап, эмерек жасап. Колдон келишинче элдин кызматындабыз. Жыгачтан бешик жасайбыз, азыркы учурда топчан, кровать жасап жатабыз, балдарга манеж жасайбыз, стол, стул, жыгачтан жасалгандардын бардыгын жасайбыз. Азыркы учурда рамка, эшик жасап жатам. Андан сырткары үйлөргө тепкич жасайм. Өзү бир эле балам бар, анын дагы устачылыкка шыгы бар. Устачылыктан сырткары айыл жергеси болгондон кийин мал менен, огород менен алектенем»- , дейт уста.
Асылбек мырзанын кардары Дамира Стамалиева устага буйрутма менен тепкич жасаткан. Тепкичтин сапаты анын купулуна толгондугун айтат:
« Биз тааныгын билген уста болгондуктан жана Асылбектен башка эч ким мындай тепкич жасай албайт болушу керек, ошондуктан биз Асылбекке жасаттык. Өзү дагы ыймандуу,намаз окуган жакшы бала. Азырынча тепкичтин сапаты жакшы эле. Тепкичтин баасы 100 миӊ сомго жакындап калды»-, дейт Дамира Стамалиева.
Асылбек мырза үйүндөгү эмеректердин бардыгын өз колу менен жасаган.
Даярдаган: Азима Нурбек кызы
Сынак үчүн