Терек-Суу айылында карылар күнүнѳ карата кече болуп ѳттү. Ал кечеге 100дѳн ашык карылар келди.
Айыл ѳкмѳт башчысы мындай кечелерди жылда ѳткѳрүп келерин билдирди: “ Бул кечени бардыгыӊарга белгилүү эле 1- октябрь эл аралык карылар күнүн белгилейбиз. Бүткүл дүйнѳдѳ ушул карылар күнүн белгилешет биз дагы салттка айланып калгандай жылда карылар күнүн белгилейбиз. Кары адамдарды сыйлоо-урматоо максатында тамак берип жатабыз, жана ѳнѳрпоздордун талантын тартуулайбыз деген максатта сый тамакты уюштуруп жатабыз. Мындай кечелер жылда эле ѳткѳзүлѳт Кетмен-Дѳбѳ аймагында 220дан ашык карылар бар. Бүгүнкү күндѳ сый тамакка ѳздѳрүнүн күчү менен келе алгандар келишти ал эми келе албагандарга белектери үйүнѳ жеткирилип берилет. Социалдык жардамга муктаж 10дон ашык карылар бар аларга акчалай сыйлык тартулайбыз “.
Айыл ѳкмѳтүнүн мындай сый тамактарды жылда уюштуруп турарына ыраазы экенин айтат Алиева Бѳбек апа: “ Жылда карылар күнүн белгилеген айыл ѳкмѳтүнѳ ыраазычылыгымды айтам. Белектерди карылардын жашына карап берет. Мындай сый тамактарга кээде келем былтыр келбей калгам. Жылда карыларды чакырып сыйлап турганына ыраазыбыз. Уюштуруу мага аябай жакты.
Мындай сый тамактарга жылда келип катышарын айтты Эшенбеков Бегиш ата: “ Бизди 1-октябрь саат 12 00 го келип кечеге катышып кеткиле деп чакырды. Жылда келип жаштардын сый-урматын кѳрүп кетебиз. Келип чай ичип берген белектерин алып кетебиз. Чай-шамек кошуп беришет аны алып кетебиз. Бул уютуруу жагып жатам эми мындан кийин аз-аздан жакшы боло берет деген ишеничим бар.
Даярдаган: Даткайым Эрнис кызы
Сынак үчүн
Редактор: Луиза Айтымбетова