Курама уулу Турусбек орто мектебинде “Күз периси-2016” сынагы болуп ѳттү. Бул сынака 6 кыз катышып, баш байгени Темиркан кызы Канымгүл жеӊип алды.

Бул сынакты 11-класстар уюштурдук дейт Райымбекова Мырзагүл: “Жылда мектепте 11-класстар парламент болуп шайланышат жана ошол эле убакта бир жылдык программалар кирет. Ошол программанын ичинде күз периси сынагы бар болчу.Бул сынакка 6 кыз катышып жатышат.Биринчи орунду алган сулууга акчалай сыйлык жана айыл аралык сулуулар сынагына жолдомо алат”.

Сынактын жеӊүүчүсү Темиркан кызы Канымгүл жеӊериме ишенгем дейт: “ Жакшы эле даярданганбыз. Жеӊгенге аракет кылдык. Программалар оӊой эле экен. Сынактын жүрүшүндѳ 6 программа болду, биринчиси албетте саламдашуу,ыр, бий, тамашалуу клип, Чыӊгыз Айтматовдун чыгармаларынан үзүндү аткарып берүү жана бир буюм жасап келип аны жактап берүү. Абдан толкунданып жатам жеӊериме ишенгем. Ар бир эле сынака катышып жаткан кыз жеӊем деген ойдо чыкса керек”.

Программалар оӊой эле болду дейт Жумабекова Сырга: “Кудай буйруса даярдыктар жакшы, утабыз деген ойдобуз.Мен үчүн кыйынчылыктар деле болгон жок баары оӊой эле экен. Жылдагыдан салыштырмалуу быйыл 6 эле программа экен.Мен Чыӊгыз Айтматовдун чыгармаларынан “ Саманчынын жолун” тандап алдым”.

Сынактын катышуучусу Нуржан кызы Алина тѳмѳнкүлѳрдү айтты: “Колубуздан келишинче даярдандык, эми кудай буйруганын кѳрѳбүз да. Ар бир сынака катышкан кыз жеӊем деп чыгат да мен дагы ошондой ойдомун. Даярдыктарда кыйынчылык деле болгон жок классташтарым жардамдашып кыйынчылыкты билдиришкен жок”.

 

Даярданып жатканда мен кѳбүнчѳ монологдон кыйналдым дейт сынактын катышуучусу Коенова Гүлкайыр: “Даярдыктар буйруса жогорку деӊгээлде, азырынчы баары жакшы. Жеӊүү деген ой ар адам да болсо керек жана ар бир эле адам кыялданат да. Даярданып жатканда мен ѳзгѳчѳ монологдон кыйналдым анткени мен ал жекте образга кирип аткарышым керек да. Ошондуктан бир аз кыйналдым”.

 

Даярдаган: Даткайым Эрнис кызы

Редактор: Луиза Айтымбетова

Сынак үчүн