Терек-Суу айылынын маданият үйүндѳ сулуулар сынагы болуп ѳттү. Бул сынакка  Терек-Суудан, Ак-Тектирден, Чоӊ-Арык, Чолпон-Ата, Кушчу-Суу, Кара-Күнгѳй айылынын сулуулары катышты жана Терек-Суу айылынын сулуусу баш байгени илип кетти.

Ак-Тектир айылынан келген сулуу Курманбек кызы Мырзайым  даярдыктар жакшы экенин айтат: “ Мен Ак-Тектир айылынан  №10 Султан Нурманбетов мектебинен келдим, атым Курманбек кызы Мырзайым. Буйруса даярдыктар жакшы. Утам деген оюм бар. Программаларды аткарууда бизде мода кѳрсѳтүүдѳ бир аз кыйынчылыктар болду. Колубуздан келишинче аракет кылдык”.

Даярданууда кѳп кыйынчылыктар болду дейт Данканай мектебинин сулуусу Элебес кызы Айдана: “Мен №15 Данканай орто мектебинен келдим, атым Элебес кызы Айдана. Даярдыктар жакшы эле. Программаларды аткарууда кѳп эле кыйынчылыктар болду”.

Коргол мектебинин сулуусу Нурдин кызы Нурсезим: “ Мен 2002-жылы Чоӊ-Арык айылында туулгам. Азыркы учурда Коргол мектебинде 8-класста окуп жатам. Даярдыктар жакшы, утам деген ишеничтемин. Бардыгы жакшы. Классташтарым, ата-энем жардам берип кыйынчылыкты билдиришкен жок”.

Терек-Суу айылынын сулуусу Темиркан кызы Канымгүл жеӊгенине кубанып жатканын айтат: “ Абдан кубанып жатам. Жеӊишке жетем деп күткѳн эмесмин. Мектептен бир аз оӊой болгон ал эми бул жакта башка айылдын сулуулары менен таймашуу кыйын экен. Бирок классташтарым, ата-энемдин  жана колдоочулардын жардамы менен жеӊишке жетип олтурам. Ардак грамота жана акчалай сыйлык беришти”.

Сулуулар сынагынын уюштуруучусу Орокова Тѳлѳмбү жеӊген кызды Токтогулда ѳтѳ турган сулуулар сынагына жѳнѳтѳбүз дейт: “ Сулуулар сынагы жылда ѳтүп турат. Кыздар абдан жакшы катышып беришти.” Күз периси- 2016” сынагына 6 айылдан келишти. Бул кыздар биринчи айлампадан жеӊген таланттуу кыздар. Атайын Токтогул районунан калыстар тобун чакырдык. Келген калыстар таразанын ташындай калыстык кылып беришти. Биринчи орунду №12 Курама уулу Турусбек орто мектебинин сулуусу Темиркан кызы Канымгүл жеӊди. Бардык сулуу кыздарыбызга грамота жана акчалай сыйлык тапшырдык. Баш байгени алган кыз Токтогул районунда ѳтүүчү сулуулар сынагына жолдомо алды”.

 

Даярдаган: Даткайым Эрнис кызы

Редактор: Луиза Айтымбетова

Сынак үчүн