Токтогул районунун Терек-Суу айылында жайгашкан №12 Курама уулу Турусбек мектебинде “Тамеки өмүргө зыян”- аталышындагы тегерек стол болуп өттү. Тергерек столго №6 Үй бүлөлүк дарыгерлер тобунун дарыгерлери жана мектеп окуучулары катышты.

Дарыгерлер окуучулар тарабынан берилген суроолорго жооп беришти.

Тегерек столдун уюштуруучусу жана мектептин биология сабагынын мугалими Назгүл Шакирова биология, химия айына карат уюштурулуп жатканын айтат:

“Райондук билим берүү бөлүмү ар бир мектепке ноябрь айын “Биология,химия айы” деп белгилеген. Биология,химия айына биз атайын иш чараларды уюштурганбыз. “Тамеки өмүргө зыян” аталган иш чараны киргизгенбиз, ошонун негизинде өтүп жатат. Окуучулар активдүү катышып жатышат”-, дейт биология сабагынын мугалими.

10-класстын окуучусу Бексултан Какенов бул  тегерек столдон тамекинин зыяндуулугу тууралуу көптөгөн маалыматтарды ала алгандыгын айтат:

“Тамекини чекпеш керек экен, ал өзүңдүн ден-соолугуңа эле зыян экен.Андан көрө, спорт жана окуу менен алектениш керек экен. Тамекиге корогон акчаны кайрымдуулук иштерге жумшасаң туура болот. Тегерек столдо бизге тамекинин зыяндуулугу тууралуу маалыматтарды айылдагы оорукананын дарыгерлери беришти. Жылыга эле мындай тегерек столдор болуп турчу, бирок, быйылкы эсептен биринчи жолу болуп жатат”-, дейт Какенов.

Даярдаган: Нуржамиля Момункулова

Редактору: Азима Нурбек кызы

Сынак үчүн