Токтогул районунун Терек-Суу айылында жайгашкан №2229 шайлоо участогунда жергиликтүү кеңештин депутаттарын шайлоо болду. Ак-Бакай ЖМБнын кабарчысы таңкы саат 08:00дөн, 17:00гө чейин шайлоонун жүрүшүнө көз салып отурду.

Терек-Суу айылында 2301 шайлоочу бар болгондуктан, эртең менен эрте эле адамдар көп болгон. 09:00дөн баштап, 100гө жакын адамдан турган кезек күтүү пайда болду. Шайлоочулар жарым сааттан 1 саатка чейин күтүүгө аргасыз болушту.

№2229 шайлоо участогунда 2301 шайлоочу бар, алардын 1192си шайлоого келип, добуш берген, жараксыз бюллетеньдердин саны- 56 жана 34 шайлоочу ар кандай маселелердин айынан добуш бере албай калышты: айрымдарынын аппарат манжаларынын издеринен өздүгүн аныктай албай койгон(алардын көпчүлүгү кары адамдар болгон), кээ бирлери биометрикалык маалыматтарын тапшырган эмес жана айрымдарынын паспорту эски болгон.

№2229 шайлоо участогунда көз карандысыз байкоочу болгон жок. Участокто 30дан ашык байкоочу жүрдү, алардын дээрлик бардыгы, талапкерлер тарабынан коюлган байкоочулар.

Байкоочу Кенже Стамалиеванын айтымында, шайлоонун жүрүшүндө мыйзам бузууга күбө болгон эмес.

Терек-Суу айылынын маалымат борборунун адиси Жылдыз Эсенбекова билдиргендей, саат 12:00гө карай, 405 адам добуш берген.

Жаштар дагы карылар дагы шайлоого активдүү катышып жатышты. Техникалардан жаралган маселе болгон жок.

Шайлоочулардан сурамжылоо жүргүзгөнүбүздө көпчүлүгү, шайлоонун тынч өтүп жаткандыгын жана мыйзам бузуу катталбаганын айтышты.

№2229 шайлоо участогунун төрагасы Сүйүнтбек Нургазиев билдиргендей, Терек-Суу айылынын шайлоочуларынын 52%ке жакыны добуш берген.

Жергиликтүү кеңешке Терек-Суу айылынан жалпы 34 адам талапкерлигин койгон, алардын тизмесин сунуштайбыз:

1. Азиз Алишов- 429

2. Кубанычбек  Анарбек уулу-306

3. Урматбек Ашырбаев-316

4. Канжарбек Байтиков-327

5. Мырзаболот Бекишов-149

6. Жаанбек Бекташов-236

7. Адылбек Бөжөков-111

8. Мирлан Жангараев-165

9. Сүйүнтбек Жолдошов-141

10. Разакан Жумабаева-92

11. Нурсовет Жусупжанов-108

12. Таалайбек Исиралиев-157

13. Жекшенаалы Кебекбаев-183

14. Орозбек Көксариев-287

15. Гүлжигит Кудабаев-178

16. Ызатбек Мамаев-62

17. Акберди Мамыткулов-198

18. Кубанычбек Медетбеков-135

19. Бузурман Момункулов-141

20. Карабай Мыктаров-134

21. Токтогон Мырзабеков-228

22. Доктурбек  Мырзыраимов-215

23. Төлөнбу Орокова-146

24. Аида Стамалиева-229

25. Салимакан Сүйүналиева-169

26. Нурлан Сульпиев-247

27. Динара Тургунбаева-129

28. Таалайбек Турдалиев-180

29. Акынкыз Турсункулова-356

30. Баястан Чилдебай уулу-226

31. Бакытбек Чороев-596

32. Жайлообек Чотоев-261

33. Гүльзат чотоева-235

34. Алиаскар Шекербеков-176

Баарына каршы- 0

Талапкерлердин арасынан эң көп добуш алган 12 талапкер Кетмен-Дөбө айыл аймагынын айылдык кеңешине депутат болот.

Автору: Азима Нурбек кызы