“Ак-Бакай” жамааттык мультимедиа борбору

Токтогул району, Терек- Суу айылы

Айылдарда жаңы Конституциянын долбоору талкуланууда

25 Февраль 2021 жыл 15:19
Көрүүлөрдүн саны: 10

Токтогул районуна караштуу айылдарда жаңы конституциянын долбоорун талкулоор жүрүп жатат. 25.02.2021-жылы Терек-Суу айылында талкуу болуп, жергиликтүү жашоочулар өз ойлорун жана сунуш-пикирлерин билдиришти.

 

Талкууга аялдар, жаштар, аксакалдар кеңешинин өкүлдөрү катышышты

Конституциянын маанилүү өзгөрүү болгон жерлерин Кетмен-Дөбө айыл өкмөтүнүн жооптуу катчысы Жылдызкан Эсенбекова окуп тааныштырып өттү.

 

Жоопту катчы Жылдызкан Эсенбекова

 

Аялдар кеңешинин төрайымы Турсункан Абдыгулова

«Конституцияда болгон өзгөрүү негизинен жакшы эле, бул жерде көбүнчө адам укуктарына көбүрөк басым жасалып жатпайбы. Бирок депутутаттардын санын кыскартуу боюнча 90 депутат деле көптүк кылат мурда СССР убагында ар бир райондон бирден эле делегат барчу элего» деген ой-пикирин аялдар кеңешинин төрайымы Турсункан Абдыгулова билдирди.

 

Аксакалдар кеңешинин мүчөсү Канжарбек Байтиков

«Мен негизинен бул конституциянын өзгөрүшүн колдойм. Муну менден кыйындар деле телевизордон аябай талкуулап жатышат, бирок  курултай маселеси боюнча президент маалымат берет деп жазылып турат, эми андан кийин ошол маалыматты канааттандырарлык деп табыш керекпи же эмне болот бул жагы түшүнүксүз болууда» — дейт Канжарбек Байтиков.

Андан кийин чыгып сүйлөгөндөр конституциянын өзгөрүшүн колдоорун бир ооздон билдиришти.

 

«Кызгалдак» бала бакчанын башчысы Динара Тургунбаева

 

Жаштар комитетинин мүчөсү Жеңишбек уулу Шаршенбек

 

Клуб башчысы Сманов Төрөгазы

Чогулуштун акырында Конституциянын жаңы долбоору колго салынып, бир добуштан колдоого алынды

 

Колго салынган учур

 

Нурбек Мырсырайымов